Oppgradering av Sørsundbrua Fv6242 (Fv. 6242) - se tidslinje

Brua er 400 meter lang

Sørsundbrua i Kristiansund er ei 400 meter lang bru på fylkesveg 6242 som knyt øya Innlandet med Kirkelandet. Brua, bygd i 1963, har eit hovudspenn på 100 meter og er fundamentert på berg i alle aksar. Den har ein årleg døgntrafikk på 2744 køyretøy og ingen moglegheit for omkøyring på veg.

Fundament skal forsterkes under vann

Prosjektet består i ei oppgradering av brua med hovudfokus på å forsterke fundamenta for å tåle potensielle påkøyringar frå skip, samt påverknad frå vêr og vind. Arbeid som skal utførast omfattar forsterking av fundament, fenderplate og tårn. Det vil mellom anna bli sjøarbeid med dykking, lekterbruk og armering under vatn, med arbeid som først blir synleg ved støyping.

Stengning av sjøtrafikk under arbeid

Arbeidet blir gjennomført av Christie & Opsahl AS. Under anleggsperioden vil Sørsundet vera stengt for all båttrafikk og merkast med gule bøyer med blinkande lys. Båtar må nytte omkøyring via Markussundet inntil arbeidet er ferdigstilt. Prosjektet sikrar vital infrastruktur og trygg trafikk gjennom eit viktig seglingsfarlei inn til Kristiansund hamn.