Riving av løe og nybygg

På vegne av tiltakshavarane Åse Løne og Jon Mølster vert det søkt om riving av eksisterande løe og oppføring av nytt bustadhus på eigedom gbnr 45/13 i Gullfjordungsvegen 17. Den eksisterande løa skal rivast sidan tilstandsvurderingar i samarbeid med fagfolk viser at reisverket og grunnmuren har for låg kvalitet til å kunne renoverast.

Nytt hus med historisk tilpassing

Det nye bustadhuset skal plasserast på same stad som løa, med utviding mot nord og vest for å få alle funksjonar på hovudplanet. Bygget vert utforma med takform og materialbruk frå den eksisterande løa for å sikra estetisk tilpassing og historisk referanse. Takhellene frå den eksisterande løa skal ombrukast, og bygningsdelar i god stand vil bli gjeve til Voss Materialbank.

Vassboren varme og biloppstilling

Hovudvarmekjelda i det nye bustadhuset blir vassboren varme, med tillegg for vedfyring. Nytt bustadhus får integrert biloppstillingsplass i carport i sokkeletasjen, og fire biloppstillingsplassar totalt. Det blir lagt vekt på skånsam terrenghandsaming, og ei nedsenkning av terrenget ved tilkomsten til huset. Eksisterande avkøyring frå Gullfjordungsvegen skal vidareførast.