Endring av reguleringsplan

Planforslaget omfatter endring av gjeldande reguleringsplan for helse- og omsorgssenterområdet på Eggesbønes i Herøy kommune. Hovudformålet er å legge til rette for nye omsorgsbustader med heildøgns omsorgsfunksjon og etablere en base for heimetenesta. Byggeprosjektet skal erstatte dagens institusjonstilbod og arbeidsplasslokalitetar ved tidlegare avdeling på Herøy omsorgssenter og legge til rette for bygningar inntil 3 etasjer i høgde.

Omsorgsbustader på 8,7 dekar

Innanfor eit areal på 8,7 dekar skal det etablerast omsorgsbustader og tilhøyrande fellesareal, samt bygningar som fungerer som kontor og base for heimetenesta. Gesimshøgda skal ikkje overstige 11 meter. Bygningane skal plasserast innanfor fastsette byggjegrenser, og utbygginga kan skje i trinn. Parkeringsbehov for tilsette og heimeteneste skal løysast innanfor området, med parkeringsplassar under tak tilknytta den nye bygningsmassen.

Tiltak mot vegtrafikkstøy

Støy frå vegtrafikk er vurdert som ein utfordring då det nye tilbygget ligg ved grensa mellom gul og raud støysone. Løysingar som bygging av bygningskroppar som støyskjermer og plassering av støysensitive rom mot stille sider av bygget er planlagd for å sikre eit tilfredsstillande støynivå på uteopphaldsareal og inne i bustadane.

Endring av infrastruktur

Eksisterande infrastruktur som veg, vatn, avlaup og el-anlegg må endrast og flyttast for å tilpassast ny utbygging. Det blir lagt opp til bruk av eksisterande tilkomstveg. Kommunen blir ansvarleg for drift og vedlikehald av den offentlege bygningsmassen, uteareala og infrastruktur knytt til prosjektet.

Felles uteareal og retningslinjer

Planen inneheld planar om eit felles uteopphaldsareal på minimum 200 m², og bygging skjer i samsvar med Husbanken sine retningslinjer for omsorgsbustader. Tiltaket er i tråd med gjeldande planar og krev ikkje konsekvensutgreiing. Utbygginga vil gi ein større og høgare bygningsmasse enn før, med positive støyverknader for nærområdet ved at ny bygningsmasse skjermer eksisterande bustadar.